Skummelt smalt fortau

Ved Fostervolds gate 18 er marginane mellom fortau og 50-trafikk minimale. Tunge køyretøy ligg heilt innpå kanten. Utstikkande knaus og oppkjørsel smalnar inn fortauet til knappe meteren. Om vinteren er det akkurat plass til å legge opp ein brøytekant i heile fortausbreidda. Det er mange som ferdast på denne sida av vegen, gåande som syklande. Den nye gangvegen langs Løkkemyra, det effektive overgangslyset ved Vikansvingen og den trivelege gangvegen over Bergan medverkar til at dette er foretruken side av hovedvegen. Gangbrua er stort sett kun brukt av skuleborna frå Persløkka/Amundbergan. For syklistar på innfart er den eit sisteval. Fjerning av nokre få kubikk berg og forskyving av oppkjørsel vil fjerne innsnevringa. Ny innfartsveg er framleis mange år unna, og sjølv etter dette vil denne vegen vere tungt trafikkert.