Satt opp gjerde som hindrar gåande og fører til trafikkfarleg situasjonar

Det er sett opp eit gjerde som hindrar gåande og mjuke trafikantar å ferdast trygt på veg til barnehagane, førdehuset, klubben, skulen i området. Tidlegare har det vore mogleg å gå/trille/sykle inn på plassen framføre Løa for å unngå å gå 50 m med smal og uoversiktleg traffikert veg, samt for å sleppe å krysse vegen midt i ein bakke/kryss.

Gjerdet som er sett opp langs vegen er nok for å skille av frå vegen, det er fint, men at det er stengt i enden er uforståeleg og skapar unødvendige farlege situasjonar. Det ligg ein stein i vegen som gjer at bilar ikkje kan køyre gjennom, dersom det er årsaka. Vennlegst sjå om det er mogleg å gjere det på ein meir fornuftig måte som tek omsyn til alle som ferdast her. Her er stor mengde små i barnehagealder som går denne vegen dagleg. Det er allereie ein svært dårleg tilrettelagt veg som ikkje er dimensjonert for mjuke trafikkantar i det heile, særleg etter stor bustadvekst i området. Det er aukande mengde bilar, og mykje store maskiner grunna utbyggingar. Det er ei skandale at vegen ikkje er betre tilrettelagt med alle dei barnehagebarna og elevane som må gå denne vegen dagleg. Det ligg betringar i Førdepakken, men det er lenge til noko vert tatt tak i dessverre, i mellomtida må ein gjere det beste ut av det som er før det skjer alvorlege ulukker. Ber om at dette vert prioritert.